يا غصن ليه دبلان
ودمعك مبطالش
زعلان على اللي راح ولا من اللي جاي خايف
محروم من الآه ومسجونة الشفايف
ومين سامعك يا غصن ومين شايف
عملو مزاد للرجولة واتباع الأصيل بالقرش الزايف
القرش صياد والصياد للمعادن مش شايف
والندل يتفرج على الأصيل وشمتان
الدنيا يابا حيتان بتاكل لحم حيتان
غابة والفقير في الحياة متهان
لو لبس في يوم حرير صبح الحرير كتان
أوعى تصدق أن الصفر بداية دي نهاية الغلبان
ازرع جميلك في بيت الكريم تلقى الجمايل بستان
واوعاك تعاشر ندل ياكل غداك وتقوم هفتان
ليست هناك تعليقات:
إرسال تعليق