يا بوي من عزة نفس الصعيدي
وقت الضيافة كريم ولو على قِله
ولو حيموت من العطش عند الندل ما يقُله
عزوته دراعه عُمْرو ما اتسند على شِله
من حلال كتافو بنى وعن الحرام يتخله
عرق الضهاري وقت الحصيد والغله
أشرف من تكييف ويّا العصير في الضُله
يوميته لو جنيه عايش وممدش ايده بره
راضي بالقليل والحمد على لسانه بره
شايف الزرع ابنو واستحالة الكريم عن ابنو يتبره
#خالد الشاذلي
ليست هناك تعليقات:
إرسال تعليق