الجرح تحت الجناح مداري
والنسر عالي الراس وفارد جناحو
مهمهوش الوجع وخايف لَلْغراب يشوف جراحو
ضحك النسر وهز في السما جناحو
والضحكة جبروت وقت الوجع
الضحكة سلطان وملكوت للجدع
اتلمت الغربان لما شافت الدم من السما ساقط
فرحت وشمتت وقالت يستاهل
صبر النسر على الكلام والصبر مش بالساهل
واليوم المر مش بيمر بالساهل
صبر أيوب ربك حباه وعاد للحياة
من سم الأفعى والناب ربك نجّاه
مر النسر فوق الغربان ورمى راس الأفعى
وَحْش كاسر
خاصم وعدوه مهما كان خاسر
عاد النسر للحياة وهز السما بجناحه
جات الغربان تحت رجليه طلبت العفو
النسر سامح علشان قادر وعمره ما كان عديم عفو
عفا عن اللي قال واللي شمت واللي زود جراحه
عفا وكان قادر
عفا علشان أصيل
وابن الأصول جبل عمره ما يتهد بالساهل
ويبختك ياللي فهمت الكلام من الآخر
#خالدالشاذلي
