احترامًا للذات
بقينا مش بندوّر على حد
احترامًا للذات
مبقيش فــــارق معانا حد
مرحب بالجاي
وألف سلامة للماشي
تغادر أو تسافر أو ترحل بعيد
مش فارقة
يوم ما كان القلب مكسور
مكانش واقف جنبك غير العقل
والدنيا تعصر فيك بزيادة بس واقف
عمري ما انحنيت للمحنة ولا اتذليت
عمري في يوم ما صدّقت الأمثال الكدابة
الدنيا يا صاحبي غابة جوه غابة
محدش بيهموا غير نفسه
والكل بيقدّر بس نفسه
نكدب كتير علشان تمشي
ما هي مركب ولازم تمشي
وسلام عليّ كلامنا بيهمه
وسلام على كنا بنهمه
وسلام على اللي الجدعنة في دمه
سلام من جوه مش مغشوش
سلام للتمام مش لأصحاب الوشوش
#خالدالشاذلي
