عجّزت يمه ولا احنا كبرنا
فاكره أيام اللمة
على طبلية تجمعنا
أخوك يا ود، وكل يوم عركة
الغيط بكى من كتر الحش
والمنجل وكوم القش
ولم السَّبل بعد الدرس
فاكرة الطرمبة والكرج
نعبي الجرة ونطلع برة نجيب القمح من طاحون عم بركة
راجل بركة عمره في يوم ما زعل حد
كنا بنقوله يا جد
والكورة في الشارع على الأسفلت، والعضماية وضرب المدفع وقت المغرب، كنا عيال، مش بنشيل هم، يا دوووووب بنفكر في اللعب.
والجده عديله أم الناظر بكري أم لكل الشارع ... طيبة ومتجيش منها العيبة.. ماتت هي بس الذكرى في الدفتر
ويعقوب وياسر والعيطة في دهر العيطة والحيطه في دهر الحيطة
كبرنا أهينا وصرنا بنشيل دبش الدنيا، ويا ريت ما كبرنا
#خالدالشاذلي
ليست هناك تعليقات:
إرسال تعليق