العنوان: (اتنين أصحاب)
قلو يا صاحبي حشيلك .. لا كرونا ولا هباب
أنا ف دهرك سند .. هي الصحبة كلام .. هي العِشرة سلام .. والعَشرة دُوول ما حسيبك .. ياد أنا من محاسيبك
أنا أخوك مش بالبطاقة .. قووم حاخدك تتعالج .. وتقوم على رجليك تاني وتتعايق
قام الصحاب ع الدكتور وكشفو .. قال يا خال عندك كرونا .. اتهد الخال .. والخال من وشه سقط .. والصاحب وقف دكر: متخافش .. يومين وتروق .. وتبقى عال
يا صاحبي أنا مش خايف على نفسي أنا خايف عليك لتنصاب
قاله متخافش وأمسك الأعصاب
رجع الاتنين ع البيت وكتبوا ع الباب ممنوع الدخول والزيارة .. دي كرونا في البيت .. ورب البيت متصاب
تاني يوم الصاحب جاب الأكل والبرشام لخوه
طقّر عليه .. يا فلان .. قوم افتح أنا نفسك
خاف صاحب الدار ع الصاحب ومفتحش
ساب الكريم عل الباب دواه والعيش وهو ليه متّحش
وبعدين كرر الموضوع .. لحد ما عدى أسبوع .. بعدها قام فتح .. دا الصاحب ياناس ما سابه يجووع .. الفرحة بتنط من عنيه .. قام متعافي .. وحللوا تاني طلع الصاحب متشافي ..
قلو يا صاحبي الصحبة تمرت فيك والرد مهما كان مش كافي
رد عليه اسكت ياض .. هو الموت بيخوّف غير الجبان .. قووم وزّع الساقع ومبروك ..
ومتقلقش .. مردودة .. حتشيلني في يوم يا صاحبي زي ما شلتك .. و أوعى الأيام والدنيا يغروك ولا يغيروك ..
مرت الأزمة .. والحكاية اتكتبت على السطور .. الجدعنة عنوان للأصيل .. مش كلمة ووقت الشدة متلقاش
#خالدالشاذلي
الحمد لله
ردحذف