بنتشابه!!
ولما تحضر في الخيال بيغيب الوعي
وقدام الجمال يخيب السعي
مبسوطة؟
خايف تكون الحسبة مغلوطة
خايف تكون الطريق مسدودة
مشوار طولان
أصل الحبيب زعلان
أصل الزمان عابر سبيل
آخر الزعل إحساس نبيل
زعلانة؟
لو هوانا قصّر معانا ما اشتكينا
لو هواكم رافض هوانا ادارينا
بنتشابه!!
في المزاج، في المزاح، في الحزن السريع
بنتشابه!!
في الدماغ، في الصداع، في الفرحة الحزينة
بنتشابه!!
في حرفين، في خطوتين، في الصراع جوا العيون
واختلافنا!!
في القبول، والسماع للي باع قبل الشرى
للي ضاع وضيّع هواه في رحلة هَنا
كلام كتييييير بلاش نقول
أصل الكلام عايز كلام
#خالدالشاذلي
