بدرية خافت من بدري
رجع الصبح ع البيت يجري
نسي محفظته الفاضية، ما هو فقري!!
فين الفلوس يا وليه؟
فلوس ايه بس يا بدري!!
فلوس المحصول والتبن والبهايم
فلوس ايه يا خويا😏😏
هو أنت بدماغك ولا شربت المدعوق
دا أنا راجع من صلاة الجمعة يا ولية!!
النهاردة السبت يا خويا اسم الله عليك🤔
مش مهم مش مهم .. أكيد نسيتهم في القراش جوه العربية
قراش جوه العربية 🤔
ايه الحكاية يا خويا قولي أجيبلك شوية مية تغسل وشك!!
على فكرة يا خويا أنا سمعت جارتنا بتقول عنك مليونير
هو صح الكلام ده😏
جارتنا دي بصاصة تدب في عينها رصاصة
أنا لاقي لقمة ناكلها يا ولية؟
امال فلوس ايه اللي بتدور عنها يا أبو صلاح🤔
على العموم محفظتك في الحفظ والصون شلتها في الفرن
فرن ايه يا ولية الله يخرب بيتك!!
متقلقش ما عندناش أنبوبة يا أبو شحاته
أنا ماشي خلاص عاوزة حاجة؟
أوعى تنسى تجيب علبة كبريت علشان أولع في نفسي
#خالدالشاذلي
