هو الحلو فيك كان كام في كام
من كترت شُكانا حطت هوانا في جوف لُقانا
مظلوم أنت يا خي
خدت منها ايه علشان تديك الوجه السو
وقت الفرح فيكِ معدود ومحسود
ووقت الحزن حزن ما يتلم
بتاخدي حقك طاقين
وتدينا من عندك جرح ودمع العين
افتح الاقيك ضاحكة، وأقرب الاقي الناب نابين
وه يا زمن ليه كداب
ملعون أبوها الأحزان
ملعون أبوها الأفراح
ليه اللي راح راح
ليه الفرح في الحزن ساح
غشيم أنت يا اللي مصدقها
دنيا ملعونة وملعون رفيقها
نقتل بعضينا على قرشين
ونبيع ونخون ونسرق نملة مش جمل
حتى الحرامي فيك ما بقي عندو أمل
#خالدالشاذلي
